انجم جاوید

وہ آئینے سے کہے صاحبِ حیا ہوں میں
اور آئینہ یہ کہے دیکھ آئینہ ہوں میں
چراغ بجھ گیا لیکن وہ روشنی کا سفر
تمام عمر جسے دیکھتا رہا ہوں میں
بجا کہ رنگِ تغزل ترے جمال میں ہے
مجھے بھی دیکھ محبت کا فلسفہ ہوں میں
سمندروں کی طرح ظرف ہے مرا پھر بھی
بدن پکار رہا ہے سراب سا ہوں میں
عجیب لمس تھا اُس کے بدن کی خوشبو کا
وہ ایک لمحہ کہ تب سے گلاب سا ہوں میں
کمالِ ضبط ہے یہ، انتہائے شوق ہے یہ
ہوا کے ہاتھ پہ ہوں پھر بھی جل رہا ہوں میں